Հարց 1։ Ինչպե՞ս մուտք գործել համակարգ աճուրդներին մասնակցելու համար.
Պատասխան։ անհրաժեշտ է գրանցվել համակարգում՝ լրացնելով բոլոր պահանջվող դաշտերը, նշել ✓ «Համաձայն եմ» և «Գրանցվել» կոճակով հաստատել։

Հարց 2։ Ովքե՞ր կարող են գրանցվել և մասնակցել էլեկտրոնային աճուրդներին.
Պատասխան։ համակարգում կարող են գրանցվել և մասնակցել աճուրդին ինչպես Հայաստանի Հանրապետության, այնպես էլ օտարերկրյա քաղաքացիներ և իրավաբանական անձիք։

Հարց 3։ Ի՞նչ տվյալներ են անհրաժեշտ
Պատասխան։ ՀՀ քաղաքացիները մուտքագրում են անձնագիրը կամ նույնականացման քարտը, օտարերկրյա քաղաքացները՝ անձնագիրը (սկանավորված և էլեկտրոնային ստորագրությամբ վավերացված PDF ֆայլ), իրավաբանական անձիք՝ նաև հիմնադիր փաստաթղթերը, իսկ լիազորված անձի դեպքում՝ նաև լիազորագիրը։

Հարց 4։ Ինչպե՞ս է սահմանվում Էլեկտրոնային աճուրդով օտարման ենթակա գույքի վաճառքի մեկնարկային գինը.
Պատասխան։ էլեկտրոնային աճուրդով վաճառվող յուրաքանչյուր լոտի մեկնարկային գինը սահմանվում է համապատասխան իրավական ակտով, հաշվի առնելով անկախ գնահատողի տվյալ գույքի գնահատված շուկայական արժեքի մեծությունը։